ఎదురుదెబ్బల అనుభవాలు
ఆనందపు అనుభూతులు
గాయాల్లా
గాయాలవల్ల ఏర్పడిన మచ్చల్లా
చెరగని గుర్తుల్లా
ఆత్మ ఆవిష్కరణలు లా
ఎద లోతుల్లో ....
అంతరంగం మూలల్లో
గాయం వల్ల ఏర్పడిన నొప్పిలా
నెమ్మదిగా,
మెల్లమెల్లగా కనుమరుగవుతూ
నిజంగా ప్రేమ ఇంత ఖరీదైనదా?
ఆశ్చర్యం వేస్తుంది కదూ!
సాయం సంద్యా సమయం లో
ఒకప్పుడు
నాకోసం నీవూ, నీకోసం నేనూ
ఆ ఎదురుచూపుల వెంపర్లాటలు
ఆ విరిసిన చిరునవ్వు అత్తరులు
ఆ ఆనందహేళా కేళీ విహారాలు.
మరి ఎందుకో .... నేడు, ఈ నిర్లిప్తతలు
వడలిన పరిమళాలులా
మరుగున పడిపోతున్న ఆకర్షణలు
మార్పుకు కారణం కాలమేనా!?
నా, నీ మది ఎదల సహజ గుణమా!?
No comments:
Post a Comment