నేనంటే ఎంత ప్రేమో నీకు అని
ఎవరో
బహుశ ఆ ఎవరో నీవే అనుకుంటా
గుసగుసలాడుతున్నట్లుంది.
నాకు అంత అత్యాశ లేదు అని అంటున్నట్లు
నీవెప్పుడూ నన్నిలానే ప్రేమిస్తూ ఉండకపోయినా
కానీ నీకు గుర్తుండిపోతే చాలని అనుకుంటున్నట్లు
నా పట్ల నీ ప్రేమ .... పదిలంగా ఉంటుందని,
గుర్తుంచుకుంటానని మాటిస్తావా .... అంటున్నట్లు
కన్నీళ్ళ పర్యంతం అయి
నా ప్రాణంలో ప్రాణం ఎవరోలా .... ఎదురుగా నీవున్నట్లు
నేను నేను కానట్లు ....
ఎక్కడో నాలో నన్ను కోల్పోయినట్లు
No comments:
Post a Comment