నా మనిషివే నీవు

నిన్నటి వరకూ
కలలోనూ కనలేకపోయాను.
కానీ, ఇక్కడ,
నా సమీపం లోనే నవ్వులు పూస్తూ .... నీవు,
ఎంతో పరిచయం ఉన్న దానివిలా
నమ్మలేకపోతున్నాను.
ఇప్పుడు,
నేను నిన్ను స్పర్శించగలుగుతున్నానని.
ఏ గారడీ చేయకుండానే రప్పించుకోగలిగానని
ఇప్పుడు,
ఇక్కడ .... నా పక్కనే నీవు
నా జీవిత గమ్యం
నా ఆశయం
నా కోరికలన్నీ అల్లుకునున్న జీవన మాధుర్యానివిలా .... 
అందుకేనేమో ....
ఇప్పుడు నాలో,
నా జీవితం పరిపూర్ణతను పొందినంత ఆనందం!

చిత్రం!
ఏ కోణం లో చూసినా
నీ లక్షణాలు ఎంతో వైవిధ్యం గా
నన్ను ప్రతిబింబించని విధంగా .... ఉన్నాయి.
నీవు నా పక్కనే ఉన్నావు.
ఉంటావు!?
ఉండొచ్చని వింత నమ్మకం!
నిజమైతే ఎంత అదృష్టవంతుడ్ని నేను.