వింటూనే ఉన్నా!
నీవు చెబుతున్న ఆ ఉద్వేగం కబుర్లు
నీవు అనుకుంటున్నటున్నట్లు,
నాకు వెర్రి శృంగారం అక్కరలేదు.
ఆ ఆకాశం చెరాలని,
ఆ నక్షత్రాలు కోసుకోవాలని,
ఆ మణులు,
ఆ మాణిక్యాలు,
ఆ బంగారం కోరుకోవడం లేదు.
అవి అవసరాలు అనుకోను!
ఆనందాలే.
నేను కోరుకునేది .…
ఒక స్థిరమైన చేతిని.
దయ, విశ్వాసం
ఆలోచించగలిగిన ఆత్మను.
నేను, నిశ్చింతగా నిద్రపోయి లేవాలి
నా అస్తిత్వం సురక్షితం అనే భావనలో.
అలాంటి సాహచర్యాన్ని ప్రేమిస్తాను,
అలాంటి సాహచర్యం చే ప్రేమింపబడాలనుకుంటున్నాను.
No comments:
Post a Comment