శ్వాస ఆడటం లేదు

కారణం నీవే
ఎలా చెప్పాలో తెలియడం లేదు.
పక్కన నువ్వుంటే ....
గాల్లో తేలిపోతున్నట్లుంటుందని,
శ్వాసించలేనట్లుంటుందని
నరాలు, కణాలు ....
శరీరంలోని అణువు అణువు
నా ప్రియ రసజ్ఞ భావనలకు
సంగీతం అమరుస్తున్నట్లు బిజీ అయిపోయి,
నాకు శ్వాసించేందుకు సమయం దొరకడం లేదని.

తెలియడం లేదు.
ఆ అయస్కాంతం చూపుల ఆకర్షణ
నిన్ను ఎలా తప్పుకోవాలో,
ఆ తెల్లని నవ్వు సుమ పరిమళాల ఆకర్షణ,
నా శరీరం, అవయవాలు సహకరించడం లేదు.
వెచ్చని సాయంత్రం ....
ఒక ప్రేమ వరద లో కొట్టుకుపోతున్నట్లు,
నిండా మునిగి శ్వాసించలేకపోతున్నట్లు,
మాటల్లో చెప్పగలుగుతున్నాను.
ప్రాణవాయువు ఆవశ్యకతను,
నీకు మాత్రం .... నీవు లేని ప్రాణవాయువు
నాకు అవసరం లేదని .... చెప్పలేకపోతున్నాను.