అయాచితంగా ముఖంపై
దోబూచులాడే చిరునవ్వు
కొన్నిసార్లు .... అన్నీ సజావే
అనుగుణంగానే ఉన్నాయి ..... అని.
మనసు
ఉల్లాసం దాచుకోలేము.
ఉత్సాహం ఉలికులికొస్తుంది.
మాటలు, కదలికలు .... నిట్టూర్పులు అయి,
అదో ప్రత్యేక స్థితి.
ఆహ్లాదం .... మనస్థితి!
బహుశ ....
ఏ అత్మీయ స్నేహమో,
ప్రేమ అనుబంధమో,
చేరువ అవుతున్నందుకే!
పట్టలేని ఆనందం!
చిరునవ్వు సుగంధాలై .... విరియడం!
....
ఎవరో
వ్యక్తిని కలుస్తున్నందుకు
ఆ సాన్నిహిత్యం,
ఆ ప్రేమ, సాహచర్యం వల్ల
జీవితం వెలుగుమయం ....
అవుతుందనే నమ్మకం ....
ఔనూ ఊహిస్తున్నావా?
ఆ ఒక్కరు ఎవరో ....
....
ఆ ప్రత్యేక వ్యక్తివి నీవే!
ఈ పూస్తున్న నవ్వు పువ్వులు
నీ ఆలోచనలే!
ఈ భావం, ఈ ఆవేశం ....
వేచి చూడడానికి కాదు!
జీవన భాగస్వామివిగా ....
రాబోతున్న నిన్ను స్వాగతించడానికి!
No comments:
Post a Comment