ఎవరూ చూడని విధంగా
గుండె లో దాచుకున్న ప్రేమ
కళ్ళలో వెలుగుల చిరునవ్వులు పూస్తూ
ఏకాంతంలో కలిసినప్పుడు కూడా ఆమెకు తెలియని
నా ప్రేమ అమరం!
కానీ,
కొన్నిసార్లు రాత్రిళ్ళు
కలలో గమ్యం కోల్పోయి వెలుగు దూరని
కారడవుల్లో ఆమె ఒంటరి అయినప్పుడు,
మొగిలిపొదల సువాసనలు వెదజల్లింది .... నా ప్రేమే
నా ప్రేమ సుమ మకరందం!
కొన్నిసార్లు,
ఆమె గుండె అనారోగ్యంతో
శ్వాసించలేక పోయి, నీరసపడి
అప్పుడే ఉల్లాసంగా కొట్టుకోవడానికి
ఆమె గుండె నిబ్బరానికి కారణం .... నా ప్రేమే
నా ప్రేమ బాధల్లో ఔషదం!
No comments:
Post a Comment