Saturday, January 5, 2013

|| ప్రేమే నేరం! ||



చరిత్ర లో అక్షరాలు .... గతం వాస్తవాలు.
ప్రేమ బిడియపు, తొలిచూపు ప్రణయాలు.
ఇష్టాలు, అవసరాలు సరిగ్గా ఒకేలా ప్రేమికుల్లో .... ఆనాడు
అనుకున్నాక అన్నీ సర్ధుకుపోయే అభిప్రాయాలు వారివి.

లోపరహితం గా తొలి కలయికలు .... జరగేవి.
దొరకని దొంగతనం .... ప్రేమ తొలి ముద్దు పట్టుబడని నిజాలు.
ముచ్చట్లు, షికార్లు, ముద్దు మురిపాలు బంధాలయ్యేవి .... ఆనాడు! 
క్షణమైనా ఒకరినుంచి ఒకరిని .... విడదీయలేనంతగా,

ఆమె, అతను .... ఒకరి అడుగులో ఒకరు .... జీవితం రహదారిలో
మనసులు కలిసి ఎదగడం .... పిల్లల్ని, పిల్లలపిల్లల్ని వీక్షించడం,
ఏ ముంగిట్లో చూసినా నవ్వులే .... జీవితాల్ని కథలుగా చెప్పడం,
చివరికి .... మరణానంతరం, పక్క పక్కన సమాధులై మిగలడం .... సంసారం!

ఎప్పుడూ ఒక్కరుగా
కలిసి,
ఎప్పటికీ విసుగు చెందని సాహచర్యం అది.
అందరికీ తెలుసు కారణం ప్రేమే అని నేరం ప్రేమదే అని,

No comments:

Post a Comment