డాబా మీద
వెల్లికిలా పడుకుని
ఆకాశం లోకి చూస్తూ
ఆశ్చర్యానికి
గురౌతుంటాను.
ఎన్ని
పగిలిన గుండెల
రోదనలకు,
ఎన్ని ప్రత్యక్ష కథనాలకు
సాక్షులో
ఆ నక్షత్రాలు అని
పగిలి ముక్కలైన
హృదయం
అద్దం ముక్కలపై మెరుస్తూ
ఎందరి బుగ్గలను
ముద్దాడిన
ఉప్పునీటి కన్నీళ్లను
అవి చూసాయో అని
బహుశా
ఏ గణితానికీ అందని
సంఖ్యను చూసి
ఆ నక్షత్రాల భావనలు
ఎలా మారి ఉంటాయో అని
రాత్రి ఆకాశంలోకి చూస్తూ
అనుకుంటుంటాను.
No comments:
Post a Comment