Saturday, April 5, 2014

నీవూ నేను




నా హృదయం అద్దంలోకి చూస్తూ
విశ్లేషించుకుంటున్నాను.
విజనప్రదేశములో వెదజల్లిన అందం
స్వచ్ఛంద ఖైదీ ని .... నేను,
స్వర్గ భోగాలకై శ్రమిస్తున్నాను అని

దూరంగా పొగమంచులా ముసురుకునున్న
విపరీత లక్షణాలు .... నా ఊహలు, కోరికలు అని
దేవత ఎవరో
ఎత్తుమించి క్రిందకు నేలమీదకు దిగుతూ
నా వైపే నవ్వుకుంటూ వస్తూ .... నన్నుద్దరిస్తుందని

ఒకవేళ నేను, ఆశ ఉండి .... అనుభవేచ్చలేని
మానసిక స్థితి నుండి బయటపడగలిగితే .... నిజంగా,
నా స్వీయ సృష్టి త్రిశంకు భావనల
తపోధనం .,... మరుపురాని
ఆ అద్భుత పరిమళాల్ని కాపాడుకోగలిగితే

నరకమూ, పాతాళమూ
మనకు సంబంధించినవి కావు, లేవనుకునే
చిత్తశుద్ధి ఉంటే ....
నిజంగానే ఒప్పుకుంటాను.
మనం జీవించేదీ, మనం ఉన్నదే .... స్వర్గం అని

No comments:

Post a Comment