సమత్వము

అయస్కాంత శక్తి 

భావనల పదాలు 

దొరకని వేళ 
ఏ ప్రయత్నమూ చెయ్యని 

కవయిత్రి ఆమె 
నేనూను

అప్పుడామెకు నేను సమము

ఆమె ఆమెలా 
నేను నేనులా 
మేము ఎవరికి వారే లా

స్వాంతము

ఒక్కో బొట్టై ప్రవహిస్తూ నరాల్లో
అశాంతి
నిద్దుర లేమితనం ఎందుకో ....
గుండె తీవ్రం గా కొట్టుకుంటూ

దగ్గరైన క్షణాల్లో
నిన్ను చుట్టుకుని
చిక్కుకుని ఉన్నానని
అనిపించినప్పుడు

శరీరం లోని
అమూల్య భాగమేదొ
తప్పిపోయి తిరిగి చేరువౌతూ
ఆ భాగం నీవన్నట్లు  

నాలో అంతర్గతంగా నివశిస్తూ
పొంచి ఉన్న
మృగ ఉపశమన సమయం
ఆసన్నమైనట్లు

నీవు పక్కన లేవను భావన
అనూహ్య అశాంతిని
రగుల్చుతూ

ప్రేమను పొందలేక
కలిగిన బాధ
హృదయ కండరాల ఒత్తిడిగా మారి
ప్రశాంతత భగ్నమై

నీకు దూరంగా ఉన్న ప్రతి క్షణం
ఒక యుగం
ఆత్మ అంతరంగంలో విసిరేసిన ....
నిరర్ధక అనుబంధం

కళ్ళు మూసుకుని ఎంత ప్రయత్నించినా

అందుకే .... "రేపొకటుంది
నీవూ నేనూ ఒక్కరుగా కాబోతున్నాం అవకాశం ఉంది"
అనుకుని పగటి కలలు కనాలని
అందులో ఓదార్పు ఉందని స్వాంతమూ ఉందని

తనున్న చోటే స్వర్గం

నా అరచేతిలో, లేత పాదాలతో తన్ని
చేతులతో నా వేలును భద్రంగా చుట్టుకుని
తన ముక్కుతో నా మెడను గుచ్చి 

ఈ ప్రపంచం నాది కాదనిపించిన క్షణాల్లో
నిర్మలమైన కళ్ళతో ఆత్మాకర్షణానుభూతై
నా కోసం ఉదయించిన దేవతై 

తన ముద్దుముద్దు పలుకులు నాకు
హృదయోపశమనాన్నిచ్చి
లేత నవ్వుల్తో కాలాన్ని ఆహ్లాదంగా కదిల్చి 

ముక్కలై, ఎప్పుడైనా అనాసక్తుడ్నైనప్పుడు
అనుహ్యమైన బంధం లా నన్నల్లుకుపోయి
ఈ లోకంలోకి లాక్కుని వచ్చి .... 

కొంతవరకే బహుశ తనకు నా అవసరం
కానీ,
నాకు మాత్రం తను ఎంతో అవసరం

నీవు మాట్లాడితే వినాలని

పక్కన నీవు ఉన్నావు అని

ఆశను కోల్పోయిన

ఘాడమైన నొప్పి ....

ఊపిరి ఆడని ఆలోచనల ఒత్తిడి

ఎటుచూసినా అంధకారం

అనంత నిశ్చేష్టత

మిణుగురంత కాంతీ లేదు

కాలాంతం వరకూ అన్నట్లు

ఉత్సాహం ఇసుమంతైనా లేని

నీడలా ఉండాల్సిన స్థితి

కలలు రాక

నిద్దుర లేని ఎండిన కళ్ళతో

కోల్పోయాను సంతోషాన్నీ

నిన్నూ, నీతో కలిసి

జీవించే అవకాశాన్ని

విలువైన జ్ఞాపకాలను కూడా

ఎందుకో తెలియదు కానీ మానసీ ....

ఏదైనా నీవు చెబుతావేమో

వినాలి సంతృప్తి చెందాలని ఉంది

అది మాధుర్యమైనా తీపి బాధైనా

నిరర్ధక యాంత్రికత

అన్ని వైపులా చీకటే
పోగొట్టుకున్న
హృదయం కోసం తపిస్తున్న
అతని కళ్ళముందు
భరించలేని ఒంటరితనమే

వక్రీకృత నిర్జన ప్రదేశాల
పలుకరింపుల భారం అతని పై
రాలని కన్నీళ్ళ
అతని ఎండిన కళ్ళ కొలనులు  
రక్త వర్ణంతో జేవురించి

ఏదీ అమరం కాదని తెలుసు 
ఏదీ నిత్యం అనుకోలేక
నిలకడ అనుకోలేకపోయినా 
అతని తియ్యని బాధానుభూతులే
ఎవ్వరూ దొంగిలించలేని ఆస్థి 

అతని వద్ద ఇప్పుడు
పగిలేందుకు ఏ పెళుసుతనమూ లేదు
ఏ పట్టింపూ లేదు  
అమూల్యత .... ఏమీ మిగిలి లేని
యాంత్రిక అపజయం అతను 

అతని హృదయమూ ప్రేమ
నిరంతర పోరాడుతూ 
అస్తిత్వం మనుగడకు అతను
ఏ చీకటి మూలల్లోనో
తల దాచుకోక తప్పనిస్థితైతే 

ఆ తలదాచుకున్న సంరక్షణ స్థలం  
వేరెవరి పరిదిలోనో ఉంటే
అర్ధ రహితమే ....
అలా ప్రేమ లో పడి కొట్టుకోవడం
ఎదురుచూస్తూ తపించడం 

నా ఆత్మబాంధవివి నీవు

సమశ్యల దండకారణ్యం లో
అగమ్యుడినై ఉన్నప్పుడు
నా మంచి చెడులను  
విశ్లేషించే
నిఘంటువు సూచివి నీవు
నా కంటి వెలుగువి నీవు 
చీకటి అయోమయంలో
నా జీవన రధ 
సంకల్ప సారధివి నీవు 
ఈ ఊపిరి ప్రవహించినంత కాలమూ ....  

నా నమ్మకానివి నీవు 
నా ప్రేమవి నీవు 
నా ఒకే ఆత్మ బాంధవివి నీవు 

సగటు జీవనం

కలలు కంటూ

అనుక్షణం

కలల వీధుల్లో ....

విహరిస్తూ

వర్తమానం లో

కదలికల్లేని ప్రతిమై

నిజానికీ

ఒక్క క్షణానికీ

ఒక్క పలుకరింపు కీ

మధ్య నలిగి ....

మధురభావన రూపం ....?

సున్నిత సుకుమార
మృదు
లేత
పసి అందాన్ని
అందమైన ఆత్మను
చూసావా ఎక్కడైనా!?

చూసావా?
విలువకట్టలేని ....
కళ్ళు చెదిరే సౌందర్యాన్ని?

ఎంతో తియ్యని
రుచిమయ రసరాగం 
హృదయం నిర్మలత్వం
సొంపును,
సౌష్టవాన్ని చూసావా!?  

నోరూరించే
అతిలోక సౌందర్యామృతం
దుర్వినియోగమౌతున్న తీరును
 
పాప భావన కలను
ఒక ఎడతెగని బెంగను 
నిలకడ కోల్పోయిన
నెరవేరని ఒక సంకల్పాన్ని
కన్నావా ఎప్పుడైనా

ఆనందాహ్లాదాల పరిమళాలు

నా చేతి వేళ్ళకు తెలుసు
నా కాలి వేళ్ళకు తెలుసు
చుట్టూరా పరిసరాలకు తెలుసు
ఏదో వింత అనూహ్య భావన
పెరుగుతూ .... ఇంతింతై
ఆహ్లాద పరిమళం పూసినట్లు
వీచే గాలి తరగల మీద
నాతో పాటు
ఆనందోల్లాస భావన నడుస్తూ వస్తూ
అన్ని చోట్లకూ ....
నిజం గా
అది నాపై నీ ప్రేమే .... మానసీ
ప్రేమై వచ్చి ప్రేమను కనబర్చుతున్నట్లు
నీకు తెలుసు
నేను నిన్ను ప్రేమిస్తున్నాను.
అనంతవరకూ అని, 

నా మనసింకా ....
నా ఆధీనంలోనే ఉంది
నా భావనలనే వ్యక్తం చేస్తూ
ఆరంభమూ అంతమూ లేకుండా
నీ భావనల్లో స్థానం కోసం ....
నా ప్రేమ .... నువ్వే ఎప్పుటికీ
నా మనోపలకం మీద
నేను విశ్రమించే వేళల్లో
ఒంటరిని గా ఉన్నప్పుడు
నీవే ఎదురుగా ఉండి
నాతో మాట్లాడుతున్నట్లు
మాటిస్తున్నట్లు
ప్రతిగా నేను బాస చేస్తున్నట్లు
నీ చేతిలో చెయ్యేసి ....
అనిపిస్తుంటుంది.
అవసరమేనేమో అని ....
ప్రతి ప్రాణికీ .... పక్కన జతగా
ఒక మానసి ఉండాలి అని
ప్రతి చర్య లోనూ
ప్రతి పదగమనం లోనూ
అడుగు పక్కన అడుగేసే
నీలాంటి మానసే ఒకరుండాలి అని