నా అరచేతిలో, లేత పాదాలతో తన్ని
చేతులతో నా వేలును భద్రంగా చుట్టుకుని
తన ముక్కుతో నా మెడను గుచ్చి
ఈ ప్రపంచం నాది కాదనిపించిన క్షణాల్లో
నిర్మలమైన కళ్ళతో ఆత్మాకర్షణానుభూతై
నా కోసం ఉదయించిన దేవతై
తన ముద్దుముద్దు పలుకులు నాకు
హృదయోపశమనాన్నిచ్చి
లేత నవ్వుల్తో కాలాన్ని ఆహ్లాదంగా కదిల్చి
ముక్కలై, ఎప్పుడైనా అనాసక్తుడ్నైనప్పుడు
అనుహ్యమైన బంధం లా నన్నల్లుకుపోయి
ఈ లోకంలోకి లాక్కుని వచ్చి ....
కొంతవరకే బహుశ తనకు నా అవసరం
కానీ,
నాకు మాత్రం తను ఎంతో అవసరం
No comments:
Post a Comment