చిక్కని చీకటి
కష్టంగా ఉంది శ్వాసించడం
కదలాలని ప్రయత్నించడం
ప్రయత్నించే కొద్దీ
లోపలికి లాక్కునే ఊబి లా
సమశ్యల మయ జీవితం
ఎవ్వరూ
సమశ్యల్లో జీవించలేరు .... భరిస్తూ
మూలుగుతున్నాను.
నేను మూలుగుతున్నట్లు నాకు తెలియదు
కానీ వినిపిస్తుంది.
దూరంగా పారిపోవాలనే .... అభిలాష
నా ప్రయత్నం నిష్ఫలం అని
ఎన్నో ప్రయత్నాల పిదపే
తెలుసుకున్నాను .... చాలా ఆలశ్యంగా
నా గుండె వేగంగా కొట్టుకోసాగింది.
నా శ్వాసల శబ్దం పెరిగి పెరిగిపోతుంది.
పరిసరాలను ఆవహించుతూ ....
కళ్ళు మూసుకున్నాను.
దొర్లిపోతున్నాను.
నిన్నటి ఆలోచనలు జ్ఞాపకాల్లోకి
అదే నా ఆఖరి శ్వాస అని ....
నాకు తప్ప ప్రతి ఒక్కరికీ తెలిసేవరకూ
No comments:
Post a Comment