Wednesday, June 29, 2016

అభాగ్యత




తడి ఆరిన కన్నీటితో నిచ్చెన, 
అనుభూతులతో ఆనకట్ట .... 
వెయ్యగలిగితే ఎంత బాగుణ్ణు 
నిన్ను వెతుక్కుంటూ స్వర్గానికి రాగలను 

ఏ అనునయవేళో బుజ్జగించి, ముద్దాడి 
నా లోకానికి .... 
ప్రేమ వాసానికి తీసుకురాగలను 

కానీ, 


అనుభూతుల స్మృతులు 
కన్నీరు చారలే అన్నీ 

కాలచక్ర గమనం లో 

నేను దూరంచేసుకున్న రూపం, 
పరిమళాలే గుర్తుకువస్తూ 

చిరునవ్వు, లాలన 
నీ సాహచర్యం, 
నీ సాన్నిహిత్యం లేని జీవితం 
భరించీ జీవించలేని శూన్యంగా మిగిలి