పగటి కలలు
ఎవరి నీడలోనో నడుస్తూ
గ్రహణం పట్టినా పట్టనట్లు నటిస్తూ
అంతరంగంలో మాత్రం
భయవిహ్వలుడ్నై
రాజకీయ రణగొణుల
స్వార్ధ దౌర్జన్య
దోపిడికి కారణాన్ని ....
సహిస్తూ, మోస్తూ
కాసింత
కుల మత వర్గ పక్షపాతం తో
ద్వేష బీజాలు నాటుకుంటూ
నాలో ....
నన్ను నేను కోల్పోయి,
ఒక్కోసారి మరిచిపోయి
వికాసం వెలుగు
ప్రత్యామ్నాయాలకు కారణం
నేనూ,
నాలోని ఆవేశమే అయి ఉండీ
ఎవరో రావాలన్నట్లు
ఎవరి కోసమో ఎదురు చూస్తూ
అర్ధరాత్రిళ్ళు పగటికలలు కంటూ
పవ్వళిస్తూ ....
మురుగు గుంట పరిమళాలలో
No comments:
Post a Comment