పగటి ప్రతికూలతలకు విరామన్నిస్తూ ....
అప్పుడే
నడుం వాల్చి .... వెల్లికిలా
ముంచుకొస్తున్న నిద్ర ....
కళ్ళు మూతలు పడుతూ
ఎలాంటి హెచ్చరికలు లేకుండా కమ్ముకుపోతూ
నిద్దుర పిదప .... లోపల
నా కలల జీవితం .... అక్కడ,
స్వాగతం అంటూ ఎదురుచూస్తూ .... నీవు
అక్కడే పరిచయం .... తొలిచూపు అయస్కాతం
నా ప్రేమ .... నా ఆత్మ సహచరి .... మన కలయిక
చేతులు కట్టుకుని
రెక్కలు విప్పుకుని నీతో కలిసి గడిపిన
ముచ్చట్ల మురిపాల మధుర క్షణాలు
నా హృదయం తెరపై కదులుతూ
మళ్ళీ మళ్ళీ చూడాలనిపించే మధుర దృశ్యాలు
దివ్య మధురానుభవాల్ని .... సొంతం చేసి
నీ కళ్ళ మెరుపు చూడాలని
నీతో సహచరించాలని .... కలల్లో మాత్రమే కాదు
వాస్తవంలో ..... సంసారంలో
నీవు నా ముంగిట ముగ్గులల్లు గృహలక్ష్మి కావాలని .... ఆశ.
అకస్మాతుగా ....
ఏ అలికిడో, ఏ పిలుపో, ఏ విశ్పోటమో ....
కలలోంచి నన్ను మేల్కొలిపిన క్షణాలు .... గుర్తుకొస్తూ
అప్రయత్నంగా జారే కన్నీటి బొట్టు
బుగ్గలమించి .... రాతి గుండె మీద పడి బళ్ళుమనే శబ్దం .... అది
ఆ క్షణం నుంచి అసహనం
మెలుకువగా నే ఉండాలని .....
అలజడి, హైపర్టెన్షన్ ..... శరీరాన్ని కుదిపేస్తుంది.
నా గుండె .... ఎందుకో, తియ్యని బాధను,
తన పతనాన్ని తాను ..... కొనితెచ్చుకుంటున్నట్లనిపిస్తుంది.
ఔనూ! కలలోనే .... ఎందుకు?
ఇలలోనూ నేను, నీతో కలిసి జీవించొచ్చుగా!?
మన ఆలోచనలను సంతులనం చేసుకుని,
ఆర్ధిక స్వావలంబనం, నిండు జీవితం .... దిశ గా,
ఒక్కరుగా కలిసి జీవించొచ్చుగా .... అనిపిస్తుంది అప్పుడప్పుడూ
నా అంతరంగ లో ..... లోలోపల మాత్రం,
ఇంకా నా కలలు, ఎప్పటిలానే ....
అక్కడ, నీవు నాకోసం నిరీక్షిస్తుండటం
జారిపోయే కరిగిపోయే కల
ఇప్పటికీ ఓ కన్నీటి చుక్కై రాలుతుండటం .... నిజం!
కొన్ని నిజాలు అంతే!
ప్రియురాలి మనసులో ఉండడానికి
కలల్లో జీవితంలో .... సాహచర్యం సౌఖ్యం
సరిహద్దుల్ని తట్టడానికి .... కాళ్ళమీద నిలబడ్డానికి,
నీ ప్రేమను ఆశ్వాదించి, స్వర్గాన్ని స్వాగతించడానికి
నా మనసు చేసే ప్రయత్నం తపస్సు పేరే .... పురోగమనం!
