పైకి లేవాలి!

పడిన చోటు నుండే .... 

అణిగిపోయాను, ఓడిపోయాను...

నా గొంతుకను నేను అణచుకోవడం తప్ప, నాకు వేరు దారి లేదు. 

ఇప్పుడు నేను, నీ సాంగత్యానికి దూరంగా వెళ్ళాలి. 

రేపు లేని ఒక మూలలో ....

నేను కేవలం ఒక నీడలా 

వానలో తడుస్తూ నడుస్తున్నాను,

నిస్సత్తువగా, నీరసంగా ....

రాత్రి చలిలో వణుకుతూ,

చీకటిలో నా చూపును కోల్పోయి.

ఇది ఓడిపోయే సమయం.

నువ్వు ఆమె మమైకమైపోయి నవ్వుతూ   

ఇక నువ్వు నాతో ఉండవు ....

కేవలం ఆమెతోనే 

ఓటమి అంటే ఏమిటో నాకు పూర్తిగా అర్ధమైంది. 

నువ్వు నాతో లేవని .... నువ్వు ఆమె వేరుకారని.   

కానీ, ఇది ముగింపు కాదు.

ఇది కేవలం ఒక జ్వరం.

ఈ గోడను బద్దలుకొట్టుకుని నేను బయటపడాలి.

నేను పడిన చోటు నుండే .... పైకి లేవాలి!