ప్రేమంటే!?

ప్రేమ .... మన మనసు చేసే మాయే కాని

కళ్ళు చేసే మాయ కాదు అంటుంటారు.

కానీ, ఆ మనస్సే ఓ మామూలు గుర్రాన్ని

ఓ దేవతాశ్వంగా మార్చి చూపిస్తుంది.

ప్రేమ మానవ జీవన సారం అంటుంటారు.

కానీ, వాస్తవపు డొల్ల రూపాన్ని జయించి

స్వంతం చేసుకోవడంలో దొరికే

ఓ వికృత సంతృప్తేమో అనిపిస్తుంది నాకు

ప్రేమంటే ....

చేదు సొరకాయల గిన్నెలో

తీయని పాకం రుచిచూడటమేమో అర్థం లేకపోయినా

తడబడుతున్న స్వరాలతో

జోలపాట పాడటమేమో ఆ పాటకు నిద్రరాకపోయినా

గ్రహణంలో వెన్నెల మంటను చూడటమేమో

అదో అద్భుతం అని సరిపెట్టుకుని

నిజానికి ప్రేమంటే ....

దేన్ని గుర్తుపెట్టుకోవాలని అనుకుంటామో అదే