నాకు ఇంత ఇష్టమా అని
చాలా ఆలశ్యంగానే తెలుసుకున్నాను.
పగిలి, విరిగి, తెగి చితికిన
పద పెళుసు వాక్యాల
బలహీన స్వరాలు కవితలవ్వడం పై
ఇంత ప్రేమా నాకని ఆశ్చర్యం వేస్తుంది.
అవే పదాలలోని .... అక్షరాల అస్తిత్వం,
ఆ ఔన్నత్యం
ఆ స్వచ్చ సత్యత
ఆ నిరాడంభరత
ప్రణమించాలనిపించేలా ఉంటూ
రాయబడుతున్న కవితల్లో మాత్రం
కారణ స్థిరతత్వ సంహారమే లక్ష్యం అన్నట్లు
పిచ్చి తలలలోనుండి
తప్పించుకునే ప్రయత్నం యుద్ధం లో
గాయపడిన అక్షరాలు క్షతగాత్ర సైనికుల్లా
సందిగ్ద మనోభావనలతో
బలవంతపు పదాలల్లి రాయబడుతున్న
ఏ వస్తురహిత సాహిత్యం పట్లనో
ఇంత మక్కువెందుకో .... నాకు
No comments:
Post a Comment