Friday, December 14, 2012

తొలిచూపు

చంద్ర శేఖర్ వేములపల్లి || తొలిచూపు ||

ఒక పెద్ద విస్ఫోటం ...
గుండె శ్వాసించడం మాని
క్షణం భూకంఫం
భూమి బ్రద్దలైనట్లు
సముద్రాలు ఉత్పాతాల్ని సృష్టించినట్లు
సౌందర్యం సాక్షాత్కారం ... నా కళ్ళముందు

చూపులు అతుక్కుపోయి
ప్రమాద సంకేతం
గ్రీన్ సిగ్నల్ గా మారినట్లు ...
మెదడుకు గుండెకు మధ్య
అసహాయత అసంతులనం
రాత్రివేళల్లో
పగటి కలలు కంటూ

చూసింది ఒక్క సారే
ఆ మెరుపు చిరునవ్వు ను
జిగేల్ మనె గుండె ఝలదరింపును
అది ప్రేమేనేమో
తొలిచూపు ప్రేమంటే ఇదేనేమో
నిశ్చయంగా అది ప్రేమే ...
తొలి ప్రేమే

ఏమీ ఆశించకుండా
అన్నీ కోల్పోవాలనిపించే ప్రేమ
పుట్టింది, పెరిగింది
ఆ సాహచర్యం కోసమే అనిపించే ... తొలిభావం ... ప్రేమ
ప్రేమను పొందానని
నాకోసమే పుట్టిన మనోహరిని
చూడగలిగాననే హృదయభావం తొలిచూపు ఆకర్షణాభావం అది.

2012, డిసెంబర్ 14, శుక్రవారం సాయంత్రం 6.30 గంటలు

No comments:

Post a Comment