ఏకైక మార్గం 

అనుకోని మార్పు 

జీవితంలో ప్రవేశించినప్పుడు 

నాకు తెలియకుండానే 

ఒక ప్రశ్న ఉద్భవించింది. 

ఇప్పుడే ఇది ఇలా 

ఎందుకు జరుగుతుంది అని?

నేను నిర్మించుకున్న

ఏకాంత కట్టడంపై 

ఇలా కూలిపోయేంత 

తీవ్ర ప్రభావమా అని? 

కళ్ళ ముందు ఒక్కసారిగా 

పెద్దగా తెరుచుకుంది ప్రపంచం 

నేను నిలబడే ఉన్నాను  

అసహాయంగా ....

రక్షణ కోసం గోడలు లేకుండా 

మార్గం చూపే చిహ్నాలు లేకుండా 

కేవలం ఇతరుల మాటలు 

మదిలో ఆశలు మాత్రమే మిగిలి  

నేను సిద్ధంగా లేను 

ఎప్పటికీ సిద్ధంగా ఉండను  

కానీ ఎప్పటికైనా 

ముందుకు వెళ్ళే ఏకైక మార్గం 

దాటడమే