తడబడని పెదవి దాటిన పదం
ఒక బలమైన శరం అని
ఎత్తిపొడుపుల పిడిగుద్దులు
గుచ్చుకున్నప్పుడు
వాటి ప్రభావంతో భారమైన
శరీరం శ్వాసించలేకపోయినప్పుడు
తెలుస్తుంది.
కళ్ళకు, పైకి మాత్రం
సామాన్య స్థితే కనిపిస్తుంది.
నిలువెల్లా పొడుచుకుంటూ
కత్తిరించుకుంటూ ఉంటున్నా
నిజం మాత్రం
మనం అనుకునే
మాటల వాడి తీవ్రత లో
విషం విరజిమ్ముతుంది.
అది గుండెలోని రక్తం లో
కలిసిపోయి
సిరలు దమనుల మాధ్యమంగా
అణువణువునూ చేరి
రాక్షసత్వం మనలో ప్రబలుతుంది.
No comments:
Post a Comment