Wednesday, January 12, 2011

ప్రేమే ప్రియ నేస్తం ...

కొండ త్రాచులా మెలికలు తిరుగుతూ, నది ...
ఒడ్డున, ఆలోచనల అలలు హొరులో ...
ప్రయత్నించినా, మరిచిపోలేని కాదన్న ప్రేమ ...

అవహేళన చేస్తున్న ... బ్రతుకు మరీ బారమైనా, మోస్తున్న భావన
వాగులో దూకితే ... చన్నీళ్ళు ... చల్లగా, నీటిని రాయిలామార్చే
కరుడుగట్టిన చలి ... నీటిలో మునగడం కష్టం ...
ఆ నీరు గాని అంత చల్లగా లేకపోతే, భగ్న ప్రేమను భరించేకన్నా ... సంతోషంగా మరణించొచ్చు!

కానీ చలి కొండచిలువ ... నదిలో ...
ఒళ్ళంతా మెలేసి నలిపేస్తుంది ... అబ్బో! భరించలేని చలి ...

LIFT ... ఇరవై అంతస్తుల ఆశల సౌదం, ఆకాశసౌదం ... అది
భగ్న ప్రేమను భరించేకన్నా ... ఆనందంగా, అక్కడ్నించి దూకెయ్యొచ్చు
ఆకాశసౌదం లాంటి అంచుమీద నిలబడి అందర్నీ తిట్టి, ఎంతగానో ఏడ్చి, పెద్దగా అరిస్తే ... వూరట
... తొంగి చూస్తే ... కళ్ళు తిరిగే అంత ఎత్తు ...

అంత ఎత్తుగా వుండివుండకపోతే ... చచ్చి పొవొచ్చు
కానీ .... ఎలా! ... కళ్ళు తిరిగే అంత ఎత్తునుంచి వచ్చే చావును పలుకరించడమే!
అశక్తత ...

బ్రతక్క తప్పదు! ప్రేమలేమికోసం చావాలనివున్నా ... చావలేని స్థితి ...
బహుశ, జీవితం బ్రతకడానికే నేమో అనిపిస్తూ ఆహ్వానించినట్లు ... మొదటిసారిగా ...

... అరుపులు, రోధనలు ప్రతిరోజూ వినేవుంటావు ప్రియతమా ...
ఇంకా మరణించాలని చూస్తే ...మరీ మొండిమనిషి, పెంకిఘఠం అనుకునే అవకాశం ...
దృష్టి లోపాన్ని దిద్దుకునే మధ్యతరగతి మనిషి మనసుకు ...
ప్రేమే ప్రియ నేస్తం ...

నిజానికి జీవితం ... అందంగా, ఆనందంగా స్వచ్చంగా వుంటూ ...
బ్రతుకు పోరాటంలో మనిషికి మనిషి హస్తం ...
ప్రేమ హస్తమే కానక్కరలేదు స్నేహ హస్తమైనా చాలు ...!!

1 comment:

  1. బ్రతుకు పోరాటంలో మనిషికి మనిషి హస్తం ...
    ప్రేమ హస్తమే కానక్కరలేదు స్నేహ హస్తమైనా చాలు ...!!
    అద్భుతమైన భావవ్యక్తీకరణ..అభినందనలు చంద్రా గారు.

    ReplyDelete