అది నేనే .... నీలో

చూడగలిగితే చూడు నీలో, లోలోకి ....  
అక్కడ నేనే వున్నాను. ఆ అనియంత్రణను 
అరూప, అవస్తు చిత్ర ప్రేరణను .... నేను.
నీ ఎద లోతుల్లో భావోద్రేకాలను నియంత్రిస్తూ, 

స్పర్శిస్తూ, అంతరాంతరాల్లొంచి నిన్ను 
ఒక నిశ్శబ్దం ఊసును .... నేను, 
రాత్రి వేళల్లో నీవు కలల్లోకి జారుతున్నప్పుడు
సర్వం, సవ్యం అనుకునే విశ్వాసం .... కారణం నేను.

ఒంటరి క్షణాల్లో, నీ బాధ కన్నీరై ఒక్కో బొట్టూ  
నీ కణాలు విశ్చిన్నమయి .... నాపై కారుతూ
నేను మాత్రం .... అబిషేకించబడుతూ 
ఆ అలజడి, ఆ చైతన్యం కారణం .... నేను, నీ ఆత్మను