వైరం, దూరం సమాధి చేద్దాం!

నాకూ ఇష్టమే!
నిజంగా మన మధ్య దూరం
ప్రబలిన వైరం ....
తగ్గే అవకాశం ఉంటే
గుండె గోడల్లోకి యింకి
సిర ధమనుల్లో వ్యాపించినా
భ్రమలో ముందుకు నడవాలని లేదు.
సమశ్యను ఝటిలం చెయ్యాలని లేదు
నీవే అన్నావు.
ఈ వైరం, దూరం ను సమాధి చేద్దాం! అని
పెరక్కుండా ఉంటే నే నయం
ఇద్దరికీ మంచిది అని
అందుకు అవసరం అయితే విడైనా పోదాం అని.
నీ కోరిక ప్రకారమే అంతా జరిగింది.
వైరం, దూరం తగ్గించుకునే నెపం లో ....
ఒకరికొకరం ఏమీ కాకుండా పోయాము.
ఇప్పుడు,
నీవు నీ ముఖం పై చిరునవ్వు తో
నేను నా గుండెలో ఆరని అగ్ని అశాంతి తో
రెండు హృదయాల బంధం సమాధి చేసాం!