జ్ఞాపకాల అద్దకాలు

జీవితం .... తప్పులతడకే ఎప్పుడూ,
తప్పులు చెయ్యడం దిద్దుకోవడంతోనే సరి
ఒక్కోసారి ....
అర్ధవంతమైన మార్పుకు అర్ధమే లేక
అయోమయాన్నే నమ్ముతాము.
అక్కడ ఉండేది జ్ఞాపకాల రంగులు మాత్రమే
మనిషి తనను తాను అందంగా చూసుకోవడానికి
సృష్టించుకోవడానికి.
కొన్ని రంగులు .... భావనల ఆధారంగానూ
కొన్ని రంగులు జ్ఞాపకాలు, భావోద్వేగాలు ఆధారంగానూ
పైన పూసుకున్నదంతా రంగులని
వాటిని కనపడకుండా ఉంచాలని చూస్తాము.
ఎన్నో విఫల ప్రయత్నాలు
గతాన్ని నటనాత్మకతనూ సమాధి చేద్దామని
చాలా సార్లు వాటిని కాల్చేసేద్దామని .... తపిస్తాం.
కానీ అవి ఎప్పుడూ మెల్లమెల్లగా .... మదిలోకి తిరిగి చేరి
ఒకటి పిదప ఒకటిగా నియంత్రించలేని విధంగా ....
జ్ఞాపకాలనే కాదు.
మనిషి తనను తాను నియంత్రించుకోలేని స్థితి లో
వివిధ రంగుల సామూహిక పరమాణువులు వాటి షేడ్స్ ....
జ్ఞాపకాలు అద్దకాల్లా
గతం అనుభూతుల జల్లులు కురిసి
ఇంద్రధనస్సు రంగులు .... మనిషి మనో వినీలాకాశం లో