పొదరొంట్లో ....

హృదయం 
తలుపులు తెరుచుకుని 
వాకిట్లో 
స్వాగతాక్షరాలు వెదజల్లుతూ, 
పొదరింట్లో .... ఓ ప్రేమజంట
ఆమె, అతను. 
నిశ్శబ్దము అక్కడ 
సున్నిత పదబంధాలు, ముద్దులు 
మృదు మాటల వాగ్దానాలు.
పుష్పరాగమేదో 
గాలిపై తేలుతూ వచ్చి 
పరిమళాల్ని పుక్కిలించినట్లు, 
గుసగుసలు ఆ పొదలమధ్య .
రెండు మనసులు వొకటైన 
సమాగమనం సాక్ష్యం గా,
ఇరు శిరస్సులు కలిసిన 
మినిట్స్ రాస్తూ, 
ఆ కొమ్మలు ఆ ఆకులు.
భూమి సూర్యుడి చుట్టూ లా 
ఆ ఇరువురి మదిలో 
ఆలోచనల పరిభ్రమణ. 
రెండు గుండెలూ 
కొట్టుకుంటున్న శబ్దం వినిపిస్తూ,
తలలు రెండూ ఒక్కటై 
ప్రేమ మాత్రమే ఆ ఇద్దరి మధ్య. 
పొదరింట్లో శూన్యావస్థ అది. 
కాలచక్రం మాత్రం కదులుతూనే ఉంది.

http://vemulachandra.blogspot.in/2013/09/blog-post_4591.html