పుట్టినప్పటినుంచీ
ఎన్నో విషయాలు,
ఇంకెన్నో సంగతులు
ఇప్పటికీ మరిచిపోలేక
మది పొరల్లో భద్రంగా దాచి
అవసరం లేనివి కూడా
కొన్నింటిని ....
ముఖ్యమైనవి పక్కన పెట్టి .... మరీ.
విఫల, అవాస్తవ కలలు కొన్ని త్యజించి,
దూరంగా ఉంచాల్సిన వాటిని
వెంటేసుకుని,
భారంగా కదులుతూ,
ఇప్పుడు నేను .... ఏ గమ్యమూ లేని
ఒంటరిని .... ఇక్కడ అగమ్యంగా
నేనుగా కట్టుకున్న అబద్దపు
కోటగోడల బురుజుల చాటున నిలబడి.
నాకు,
చాలా విషయాలు గుర్తున్నాయి.
నాకు నేను
సిగ్గుపడి, తలొంచుకుని
లోలో నేను
దురదృష్టం ఒడిసెలు తగిలిన
నిర్లక్ష్య ప్రేమికుడ్ని....లా ఒంటరినై
నిరుపయోగ జ్ఞాపకాల
మదిభారం మోస్తూ ఉన్నాను.
No comments:
Post a Comment