భిన్న ఏకత్వం

రెండు చెట్ల
ఇరు ఆత్మల కాండాలు
ఒకదాన్నొకటి మెలివేసుకుని
కొంత మేర ఒక్కటైపోయి,
భూమ్మీద
ఒక ఆహ్లాదకర ఏకీకరణ

ఆ ఆత్మల శరీరాల
వ్యక్తిత్వ అస్తిత్వాల
వేళ్ళు
విడి విడిగా లోతుగా
భూమిలోకి
బలంగా పాతుకుపోయి .... 

అది
జీవ సౌలభ్యం కోసమో
ఏమో
కానీ

స్వతంత్రతను కాపాడుకుంటూ
ఆ వేళ్ళు భూమి లో
కలిసిపోయిన
ఆ ఎత్తైన శాఖలు ఆకాశం లో
ఒక అద్భుతమైన అల్లిక
ప్రతి సృష్టి లా .... ప్రకృతి మహిమ