పరిపూర్ణుడ్నయ్యానిప్పుడే

ఆమెలో సంపూర్ణతను చూసి
ఆమెతోనే నడుస్తూ వస్తున్నాను.
ఎన్నో యుగాలుగా
పరిపూర్ణ మానవుడ్నౌదామని

సమాజం ఉచ్చులో పీకలవరకూ ఇరుక్కుపోయి
కట్టుబాట్లే అని సర్దిచెప్పుకుని .... అందరితో పాటు నేనూ అని
ఎన్నో కుతంత్రాల దౌష్ట్యాల భారి నుండి
ఆమెను సంరక్షించుకుంటూ .... ఎన్నో సార్లు మరణించాను 

అన్ని సార్లూ మళ్ళీ పుట్టాను
ఆమె నీడనవ్వాలని 
ఆమెను అడిగాను .... ఒక్కసారి 
నన్ను చంపెయ్యరాదా ప్రియా అని,

నవ్వింది. చివరికి నన్నంగీకరించింది .... ఈ జన్మ లో
ఇరువురమూ కలిసి మరణించేందుకు 
దాంపత్యం సహజీవనసాంగత్యం
ఇప్పుడు బ్రహ్మత్వం పరిపూర్ణత పొందిన ఆనందం నాలో