మూల్యం చెల్లించాలి .... జీవించేందుకు

అంతరంగంలో లో లోపల
అంతా నేను లా
అగ(హ)పడుతూ ఉన్నా నేను

కానీ ఇప్పుడు,
ఇక్కడ సమాజం కట్టుబాట్ల నడుమ
పంజరం లో పక్షిలా.

జీవితం జంతుప్రదర్శనశాల లా 
ఒక ఆటవిక న్యాయస్థానం

నా నుదుట చెరగని మచ్చలా
నా గుణం, నా పరపతి
పచ్చబొట్టు చిరునామాలా

అక్షరాలు
ఆయుధాలుగా వాడే
వింత మానవ జంతువును నేను

దూరంగా ఉండే నన్ను 
గమనించాలి అని
జాగ్రత్త! ప్రమాదం అని రాసి ఉంది.
దూరం దూరం అంటూ 
ఎవరో అరుస్తూ ఉన్నారు.

ఔనూ! ఎవరు ఆ అతను?

అతను నాకు ఒక అపరిచితుడే
కానీ దబాయిస్తున్నాడు.
నా నుంచి ఏమి ఆశిస్తున్నాడో?

అపరిచితుడైన అతనితో 
నేను రాజీ పడితే
జీవన యాత్రలో సంఘటితమైపోతే

అతన్నీ నన్నూ
అపరిచుతుల్ని చేసి
సమాజం బోనులో బంధీలను చేసేస్తుంది కదా!,

మూల్యం చెల్లించక తప్పదు జీవించేందుకు.