ఫిర్యాదు

 











ఆలోచించిందే తడవు
నీ గురించి నా హృదయం
ఎందుకో వేగంగా కొట్టుకోవడంలేదు.
ఎప్పటిలాగా ....
నీవు ఎదురుగా కనిపించినంతనే
ముఖాన మబ్బులు కమ్మి
ప్రకాశం దాచబడి.
తళతళ మెరుపులు కనపడటం లేదు .... కళ్ళలో 
నీ పేరు ఎవరైనా ప్రస్తావించినా
వెనుదిరిగి చూడాలనిపించడటం లేదు.
చిరునవ్వు చిగురించడం లేదు.
చాన్నాళ్ళ తరువాత అనుకుంటా
నీ గొంతు ....
నీ ముగ్ద మృధు గాత్రం
సంగీతంలా వినిపించడం లేదు నాకు.
నీ స్పర్శ
నా ఆత్మను నిద్ర లేపడం లేదు.
ఎంతో సామాన్యం గా
సంబధం లేని వారి స్పర్శలా ఉందే కాని,
నా లో లోపల ....
నన్ను ఒదిలి నీవు
దూరంగా వెళ్ళిపోతావనే ఆలోచన
కన్నీళ్ళు తెప్పించడం లేదు
నిన్నటి నిజం .... ప్రేమకు ఏమయ్యిందో
ఇప్పుడే ఎందుకిలా జరుగుతుందో ....
ఎందుకిలా అప్రాకృతికంగా అనిపిస్తుందో ....