అయిష్టం

 












నా భావనలు, నా మానసిక స్థితి
నాకెంతో అయిష్టం!
ముఖ్యంగా
నేను నీ సమీపం లో ఉన్నప్పుడు ....
సరైన మాటలు ....
పెగలని
ఆ తడబాటు
నా ఆలోచనల్లానే, నేనూ అస్తిరంగా అలా
విచలితుడ్నౌతుండటమూ,
నా మీద నాకే అసహ్యం!
నాకు నేను పరధ్యానం లో
ఉన్నాననిపించడం ....
నవ్వుతూ నువ్వు ఎదురుపడిన ప్రతిసారీ
నీ సమక్షం లో
నిలబడలేని ఆ స్థితిని .... ఊహించలేను.
నా గుండె హెచ్చించిన వేగంతో
కొట్టుకోవడం .... భారం గా ఉంటుంది.
అనుకోకుండా,
ఎప్పుడైనా నీ చెయ్యి తగిలితే
విధ్యుత్తు తగిలినట్లు పక్కకు జరిగి
వెర్రిముఖం వేసుకుని
వెంటనే సర్దుకుంటుంటాను.
నా మది, ఎదలకు తెలుసు
అది ద్వేషభావన కాదు, నీ పై ప్రేమ ఆని
ఆ వాస్తవం గుర్తించిన ప్రతిసారీ 
నన్ను నేను ద్వేషించుకుంటుంటాను.