నా చిన్ని ఆకాంక్ష

గగనం లో
ప్రకాశవంతంగా మెరుస్తూ
నక్షత్రాలు,
నేను
నిన్ను ప్రేమిస్తున్నా
అంటూ
రాత్రి గాలుల
గుసగుసలు
పెరట్లో
తోటంతా కలియతిరుగుతూ
ఆ సీతాకోకచిలుకలు
నా తలపుల్లో
చిగురించిన
ఓ చిన్ని కలలో

అలసట తో
విశ్రమించే ముందు
ఓ ముద్దు ఇవ్వు
గట్టిగా హత్తుకుని
నిన్నెంతో
మిస్ అవుతున్నా
అని
సున్నితంగా స్పర్శించు!
నా
ఒంటరి క్షణాల్లో
నేను
సిగ్గు మొగ్గనయ్యే భావనలు
అభిమానం
దారానికి వ్రేలాడుతూ
ఓ చిన్న కల కను

ఆకాశంలో
మసకేసిపోతూ
ఆ తారలు
నేను మాత్రం
మెరుస్తూ
నీ ముద్దు
జ్ఞాపకం ను
తలచుకుంటున్నా!
ఈ రేయి
ఇక తెల్లవారరాదని
కోరుకుంటూ,
ఓ ప్రియా
ఈ విధంగా
చెబుతున్నా వేడుకుంటున్నా!

సూర్యుడు
కిరణాలు
వెచ్చదనం
తగిలే వరకు
తియ్యని కలలు కనాలని,
ఆ
కలల తోటలో
అన్ని ఆందోళనలను
వదిలివేయాలని,
నా
భావనల పర్యవసానం
ఎలా ఉన్నా ....
నా కల
నీ కల కావాలని
నా గురించి
నీవు
ఒక చిన్న కల కనాలని,