మనోభావన

కళ్ళు చెదిరే అందం ఆమె
అది
ఒక ప్రియ భావన
ఉపక్రమించిన
ప్రతి పని
శ్రద్ధ, అలవాటు ఆమె లో
ఆమె ముఖంలో
ఓ వింత కళ .... అయస్కాంతంలా,
ఈ ప్రపంచంలోనే
అద్భుత సౌందర్యరాసి .... నా కళ్ళకు ఆమె,
నేనున్నా అని ....
భరోసా ఇస్తున్నట్లు.
ఆ చిరునవ్వు,
ఒక దేవతా పుష్ఫ పరిమళం!
ఆ పరిమళం,
ఆమె ప్రేమ కోసం
ప్రాణాలు
పణంగా పెట్టాలనిపించే
ప్రత్యేక ఆకర్షణ ఆమె.
అందుకే,
నా కలలు,
ఆశలు ఊహల ఇటుకల్తో ....
ఒక ప్రేమ పునాది కట్టుకుంటున్నా!
ఆమె ప్రేమ కోసం,
ఒక ప్రేమ మందిరం నిర్మాణం కోసం.
ఆమె
నన్ను ప్రేమించాల్సిన
అవసరాన్ని ఆపేక్షించలేను.
నా మనోభావనను వ్యక్తీకరించగలను తప్ప!