పూజాఫలం

నా స్నేహం కోసం తపిస్తూ, ప్రయత్నిస్తూ
ప్రతి అవకాశంలో నన్ను కలవడానికి వీలు చూసుకుని
హృదయద్వారాలు తెరిచి మరీ, అంతరంగం సుముఖతను
మనసారా తన రెండు చేతులు బార్లా చాచి
మనోభావనల ప్రేమ ను తెలిపి స్వాగతిస్తున్న .... ఓ చెలీ

నీకు గుర్తుందనుకోను. నిజంగా గుర్తుందో లేదో నాకు గుర్తుంది.
ఆనాడు, నేను నీముందు చేతులుకట్టుకుని నిలబడ్డ రోజు ముద్దాయిలా 
ప్రేమికుడిగా దారుణం గా భంగపడిన రోజు ....
బహుశ, ఇప్పుడు నేను దూరం గా వెళ్ళిపోవడం
ఆ గతాన్ని గుర్తుకు తెస్తుందో లేదో .... బాధను కలిగిస్తుందని తెలుసు
 
ఇప్పుడు నీవు, నామీద ఎందుకు ఒత్తిడి పెంచడం లేదో .... తెలియకపోయినా
అంతమాత్రానే నీ పట్టు వదులుతావనీ అనుకోను ....
తొందరపడకుండా వేచి చూస్తావనే అనిపిస్తుంది
నాడు నేను చూపిన అసహనం అనుభవం
నీ కళ్ళ ముందు కదులాడుతూనే ఉండి ఉంటుందని తెలుసు కనుక.

నా ఊహలు, ఆలోచనలకు అందని విధం గా
నేను ఆశ్చర్యపడేలా
ఇప్పుడు నీవు నా పక్కపక్కనే తిరుగుతూ ఉన్నావు.
నేను నీ అసహనం, తొందరపాటు నిర్ణయం కోసం
ఉక్రోషంతో ఎదురుచూస్తూ ఉంటానని .... తెలిసీ

నీ కదలికలు, నీ నిశ్చల నిరాడంభరత
ఆ నిశ్శబ్దం శబ్దాన్ని వింటుంటేనే అర్ధం అవుతుంది.
అంతే కాదు అనాలోచితం గా ఎవరైనా
నిన్ను అస్థిరపరిచినా, రెచ్చగొట్టినా మారే మనస్తత్వం నీదని
ఎదురుచూస్తూ, నేననుకుంటానని ఊహిస్తూ ప్రవర్తిస్తున్నావు.

నీ నిలకడతనం, తాపసితనం నన్ను ఆకట్టుకుని, తగ్గక పోగా
నీ పట్ల గౌరవం పెరుగుతుంది.
నిజంగా .... నా మనస్సే అస్థిరపడి
నీడ, తోడు అవసరం అనిపిస్తూ నిర్ణయించుకోవాలనిపిస్తుంది.
ఇప్పుడే గమనిస్తున్నాను. నీలో ఒక వింత అద్భుత సాహచర్యాన్ని

ఇన్నాళ్ళూ, నేను నిన్ను భిన్నంగా చూసి
ఒక అవివేకిని లా ప్రవర్తించినా
నా ఆనందం ఉల్లాసం సుఖమయ జీవితం కోసం
తపిస్తున్న నిన్ను నా భాగస్వామిని గా పొందడం లో
ఎన్ని పూజల ఫలం ఉందో కదా అనిపిస్తుంది .... ప్రియా!

నా జీవితంలోకి వచ్చి చూడు .... ఒక్కసారి

ఎన్ని ఆశలు, ఆశయాలు .... సంగతులో జీవితం లో
అన్నీ కావాలని, పొందాలనుంటుంది.
ప్రతిదీ సాదించాలనుంటుంది .... దీర్ఘ దర్శులం కాకుండానే.
ఒక బీదవాడు ధనవంతుడు కాగలగడం
కాగితం పై కథ అనే నిరూపించబడింది. మినహా,
అన్ని పధకాలు అన్ని ప్రణాళికలు
ధనవంతుడ్ని మరింత ధనవంతుడ్ని చేసాయే కానీ,
ఏ ప్రణాళిక సామాన్యుడ్ని అసామాన్యుడ్ని చెయ్యలేదు.
అందుకో, ఎవరో ఏదో చేస్తారనే ఆశను కోల్పోయాను.
నా గమ్యం నీవుగా, నా ఆశలన్నీ నీమీదే పెట్టుకున్నాను.

ఓ పిల్లా! ఓక్కసారి .... కేవలం ఒకే ఒక్కసారి నా మాట విను.
నేను పొందాలనుకున్నది పొందడం లో నాతో సహకరించు.
పిల్లా! నిన్ను నమ్మాను. నీవూ నన్ను నమ్ము ....
ఎగతాళిగా తీసుకోకు
కేవలం, ఒక్కసారి నీ తోడును పొందనీ
నా శోధన లో నేను గమనించిన .... ఒకే ఒక్క ప్రేరణ,
అమూల్య సంపద, మంచితనానివి నీవు.
అవిశ్వసించకు, తిరస్కరించకు నన్ను .... ఆలోచించి,
నాకో మాటియ్యి .... సహచరిస్తానని, నాతోనే ఉంటానని 

అర నిద్రలో లేచి ఎదుర్కోలేను. మరో ఉదయాన్ని
నిజం గా .... ఇక్కడ, నా పక్కన నీవు లేకపోతే
నన్నొదిలి కావాలనే దూరంగా వెళ్ళిపోతే .... నీవు.
నేనో మానునో మాకునో లానే మిగిలిపోతాను.
అభిమానం అస్తిత్వం అన్నీ కోల్పోయిన జీవితంతో,
పిల్లా1 .... కేవలం ఒక చిన్న కలే నాదనుకుంటే ....
ఆ కలను నిజం చేసి చూసుకోవాలనుకోవదం లో ....
ఒకే ఒక్క అవకాశం యివ్వవా!? .... నేను గెలవడానికి
నీ విషయం లో కూడా ఓటమిని పొంది జీవించలేను.

కావడి కుండలు, కలిమి, నిధి దొరకడం
అనుకుని చెప్పుకున్నంత సులభం అనుకోలేను.
ఒక్క కష్టం సేద్యం స్వేదం తోనే అది సాధ్యం
పిల్లా! నీవు నాకు అండగా తోడుగా నిలబడితే
నన్ను నేను, నీకు కోల్పోవడానికి .... సిద్దం గా ఉన్నాను.
ప్రపంచాన్ని చుట్టేసి ఇచ్చేస్తానని …. చెప్పను,  కథ
నేను నీకోసం అహరినిశలు కష్టపడతానని మాటిస్తాను .... కష్టమెంతైనా
ప్రతి రోజూ .... పిల్లా! నీవు నన్ను వొదిలెళ్ళనంతవరకూ ....
ఇప్పుడైనా చెప్పవా పిల్లా! .... నాతోనే ఉంటానని
నన్ను గా సమర్పించుకున్న నాతో సహజీవనం సాగిస్తానని.

చెబితే వినాలి .... ఎవరైనా

నా మది లోతుల్లో 
జాలరి వలలా అల్లుకుని .... చీకటి 
అక్కడే 
నిబద్దించలేని .... కోపం, ఆవేశం 
నా రక్తం లో ఇంకి 
రక్తనాళాలలో ఉదృతిగా మారి 
ప్రమాదం పూచిన .... 
విషపు నవ్వు లా 

నన్ను, 
నిలువునా కోసి 
నా రక్తం అంతా తోడినా 
ఇంకా ఊరుతున్న 
ఆ విషాన్ని చూసాకైనా 
తప్పదేమో నీకు, ప్రార్ధించక .... 
నేను తప్పక చావాలని

వీలు కాదూ! .... 
దూరంగా పారిపో! 
ఆ విషం నిన్ను చేరకముందే, 
అది సృష్టించే పాపం లో ....
నీవు నిండా మునిగిపోక మునుపే, 
నా, నీ ఎవరి సంరక్షణ గురించి 
ఆలోచించే స్థితిలో లేను నేను.
ఆ అల్లుకుపోయిన చీకటి 
చిద్రం కావాలి .... ముందు.

చూస్తున్నావా! 
నా కళ్ళు నుండి 
కారేందుకు సిద్దంగా ఉన్న 
ఆ రక్తం ప్రవాహాన్ని 
నా కళ్ళ ఆ ఎర్ర జీరల్ని .... 
కోపం భూతం ఏడుస్తూ 
ఆకలిగా దిక్కులు చూస్తుండటాన్ని
కనిపించనంత దూరంగా పారిపోక తప్పదు 

నాడు 
చీమల పుట్టనుకుని కెలికావు. 
అప్పుడే 
ఈ యుద్ధం ఆరంభం అయ్యింది. 
ఆట మొదలుపెట్టింది నీవా నేనా కాదు 
విజయం ఎవరిది అన్నదే ముఖ్యం 
ఛీదర, రోత, మడ్డి, మురికి, అన్యాయం, అధర్మం .... 
ఏదీ తప్పు కాదు యుద్దం లో

నాకు మాత్రం 
నా ఆత్మే నా యోధుడు 
నీకు గెలిచే అవకాశం .... ఆలోచించనివ్వను.
అటు చూడు! 
అక్కడ 
భయం తో యుగాలుగా 
నీలానే గెలవాలని పోరాటం ఆరంభించి 
నీడలో నీడలా 
మిగిలిపోయిన అస్తిత్వాని

విశ్వమానవ కళ్యాణం కోరుకునే నేను 
స్వఛ్చమైన పాపాత్ముడినిలా .... ఎందుకిలా 
రూపాంతరము చెందానో చూడు 
నీకు భరించకతప్పదు 
నిన్ను నేను మరణించనీయనంతవరకు 
నేను ముందే హెచ్చరించాను 
నా మది లోతుల్లో 
పంజరం లో 
కోపం, ఆవేశం నిన్ను దహించేస్తాయని

సరదాగా షికారుకి .... కలలో

అడవి మనిషి లా అడవితల్లి ఒడిని
ఆశ్రయించి ....
ఔనూ!? ఏవరైనా
ఎప్పుడైనా నాలా ఇలా అనుభూతి చెందారా?
అనిపించిందా ఎవరికైనా? ఎప్పుడైనా?
పిల్ల మేఘం గుర్రం మీద దౌడుతీసినట్లు
భారమనిపించిన బాధలన్నీ ఎవరో సుతారంగా తీసేసినట్లు
మళ్ళీ జన్మించి
ప్రకృతిమాత ఒడిలో ఆడుకున్నట్లు,
సంతోషం గా స్వేచ్చ గా విహరించినట్లు .... కలలో

క్షమ, సహనం సహవాసం చేసిన ఆ చోట
నదీమ తల్లి కనుసన్నల్లో కదిలిన నేను
అంతా నాకే తెలిసినట్లు
మెలికలు తిరుగుతూ నది
నా కోసమే ఎటో వెళుతుందన్నట్లు
సరదాగానో
షికారుకు గానో
స్వర్గానికో
సాగరం లో మమైకమయ్యేందుకో 

జీవించి గమ్యం చేరే లోపు
కల్మషాలను ఎన్నింటినో కడిగేసి .... నదీమతల్లి
స్వేదం చిందిన నేలపై
పంట పొలాలపై
తనను తాను కొంత కోల్పోయి
పవిత్రంగా
పరవళ్ళ ప్రవాహంగా
నగ్న నిరాభావం తో ఆవిరై పోతూ
స్వారీ చేసేందుకు .... మేఘాల గుర్రం పై

జుగుప్స అనిపించని నగ్న రూపం తో
వేళ్ళ మధ్య బురద తో .... ఆ కదలికలే ఆదర్శం గా
జీవించాలని .... ఓ కోరిక ఉదయించి
అడవి జంతువులు స్వాగతించడాన్ని చూసా! 
అక్కడ ఎవరూ ఎవరినీ అకారణంగా గాయపర్చరు.
అప్పుడే
చీకటికి హృదయం లేదని తెలిసింది.
ఆక్షేపించని, అసూయచెందని
సరదా సరదాగా సాగే జీవితం వాటిది
ఏ చెడూ చూడని, వినాల్సిన అగత్యం లేని
ఆ మూగతనం స్వర్గతుల్యమనిపించుతూ!

గతాన్ని, పీడకలలను దూరంగా విసిరేసి
సంకుచితత్వాన్నొదిలేసి, నిద్దుర లేచి
కదలాలనిపించిన క్షణాలవి
నాకుగా నేను ఆశ్చర్యపోయేలా
నాగరికత సరిహద్దుల్ని దాటి,
దండకారణ్యం
కొత్త ప్రపంచం లోకి అడుగిడి
ఎన్నో కొత్త ప్రాణులు కొత్త బంధాల మధ్య
అక్కడ,
వెలుతురు చూరు క్రింద చెయ్యగలిగిందంతా చేస్తే
ఇలయే కదా స్వర్గసీమ అనిపించింది .... చిత్రం గా!

వెన్నెల కిరణం లా

రాబోతూ ఉన్న రాత్తిరి కోసం
ఎదురుచూస్తుంటాను .... ఆశగా, 

పిండారబోసిన
వెన్నెల రాత్రులంటే
ఎంతో ప్రేమ
చెట్ల నీడలో ఎగిరే ఆ ఉత్సాహం
మెరిసే ఆ మిణుగురు సంతృప్తిని నేను!

ఇష్టం, తోడయ్యేందుకు ఎదురొస్తే .... ఎంత బాగుణ్ణు!

జీవన భాగస్వామిని గా ఎవరినైనా
కోరుకుంటేనే అర్ధం అవుతుంది .... ఎవరికైనా
జీవించినంత వరకే ఏ ఇష్టాయిష్టాలైనా .... ఎప్పుడైనా
ఒక్కోసారి, ఒంటరితనమే ఇష్టం అని
ఎవరి ప్రేమలోనూ పడరాదనుకుంటాము. కానీ,
అంతరాత్మకు తెలుసు, అది నిజం కాదని
ఆ పలుకులు అబద్దం అని
కోరుకున్న లక్షణాల తోడు దొరకకే, ఆ ఆలశ్యం అని

నిజం! ఎవరి ప్రేమలోనైనా పడి
ఆ ప్రియురాలి తోడును కోరుకుని
తన ప్రపంచం ఆ ప్రియురాలి కళ్ళలో చూడగలిగితే
ఎంత మనోహరమో కదా!
అన్ని అవస్థలలోనూ పక్కన ఉండి, తనలో భాగం లా
ఒక అనంత ఆనందం ప్రవాహం లా .... అనిపిస్తూ
పక్కన పరిభ్రమించే ఒక బాధ్యత లా
బంగారమై అంటిపెట్టుకుని ఉన్నట్లు
బంగారం పూసిన దాంపత్యమై తోడులా మెరిస్తే,

కలలు కోరికలు ఆశయాలన్నీ పోగు పోసి
ఏ మనిషైనా తన ఇష్టానికి ఒక రూపాన్నిచ్చి
ఆ రూపాన్ని ఎవరిలోనైనా చూసి
ఆమె ప్రేమను ఆశించడం
ఆ తోడును కోరుకోవడం
చాలా కష్టం అనిపించి, సాధ్యం కాదనిపిస్తే
తెలియని ఆ అంతర్యామిని కోరుకుంటాడు.
ప్రకృతి లాంటి ఆ పరిపూర్ణ స్త్రీ తన కోసం
తనకు తోడుగా మిగిలుండేలా చూడమని

జీవితం ఎంత భారమైనా ఒక అద్భుత భావన చాలు ....
మనసు పరవశించడానికి
కలల వినీలాకాశం లో కలిసి విహరించడానికి
ఆనంద బాష్పాలతో బుగ్గలు చెమరడానికి
ఒక ఇష్టమైన తోడు తన వైపు నడిచి వస్తూ
తోడుంటానని మాటిస్తే
ప్రేయసి కళ్ళలో తన కలల ప్రపంచం పునర్నిర్మాణం
సాధ్యం అయితే, కాదా? జీవనం స్వర్గతుల్యం.

నా జీవన వాసంతం .... ఆమె

వర్షం కురుస్తున్నట్లు
ఉరుములు ఉరుముతున్నట్లు
ఆకాశం గాలిని పగులగొడుతున్నట్లు
మెరుపుల మయమౌతున్నట్లు

తలరాతలు మారి
అస్తిత్వం, ఉనికి కుదుపులకు లోనై
నా జీవితం లో ఒక అమూల్య అవసరం లా
పదే పదే కళ్ళముందు కదులుతూ .... ఆమె

శాంతి, సహనం, భూమాత రూపం
కన్నీళ్ళ స్నానం చేస్తూ 
నా ప్రతి నిర్ణయం వేడికి పగిలిన గుండె
సేదదీర్చే వసంతం లా .... ఆమె

ఆ కన్నీళ్ళ అగ్ని జ్వాలలు
నా ఆలోచనలను ప్రభావితం చేసినా
నా నిర్ణయాల అసంపూర్ణత మాత్రం
నన్ను కాల్చేస్తున్నట్లుంటుంది.

పిచ్చీ! ఈ అద్భుతం చూడు!? అని
బిడ్డతో అమ్మ మాట లా
చిరునవ్వు కన్నా బలం గా నాటే ఆ పలుకరింపు లో
నన్ను నేను కోల్పోవాలనుంటుంది

ఆమె కంట తడి చూసిన ప్రతిసారీ
నాతో ఏడడుగులు నడిచి
నా గతజన్మ శాపాలన్నీ
నాతో పాటు ఆమె మోస్తున్నట్లు .... ఓహ్! 

అసమంజసం అనుకునేలోగా
మళ్ళీ మళ్ళీ జరుగుతూ
ఎన్నాళ్ళు జీవిస్తానో కానీ
నా పాపాలన్నీ ఇలా, నాతో పాటు ఆమె

ఏ పాపమూ ఎరుగని ఆమె కు
నా గతజన్మ పాపఫలం 
నా కష్టాలు, నా కన్నీళ్ళ పంచుతూ
నేను క్షమార్హుడ్ని, జీవనార్హుడ్ని కానేమో!

పీడకల

తారలు, నక్షత్రాలు ఆకాశం నుంచి
నాలుగువైపులా జారి
నాకు సమీపం లో ....
వడగాలికి ఎడారి ఒంటె ల్లా
మూపురాల్లో
నా కలల్ని దాచేస్తూ ....
అర్ధరాత్రి వేళ చీకటి కారుతూ 
చెవులలోకి
అంతరాంతరంలో భయం .... గుండె భారమవుతూ

తెలుసా!? .... ఈ మౌనం అర్ధం నీకు

ఓ పిల్లా!?
ఎవరికి తెలుసు?
నాలో ఈ శూన్యం నిశ్శబ్దం
నిన్ను చూసిన ప్రతిసారీ ....
ఎన్ని భావనలు
ఎన్ని వింత వింత కోరికలు
ఆశ్చర్యమేస్తుంది
నీవు గమనించావో లేదో
నీవు నావైపు చూసిన ప్రతిసారీ
నేను పక్కకు చూస్తున్నాను.
నీకు తెలియరాదనే
నీ, నా కలయిక సంపూర్ణతత్వమని
నా గుండె ఎంతో వేగంగా కొట్టుకుంటుందని

పిల్లా! నీవెరుగవు
ఈ మది భావనలు
నీవు లేని జీవితం జీవించలేనని
ఎంత శూన్యమో
ఎంత భారమో తెలుసా?
క్షణం క్షణం నిన్నే తలస్తూ
నీకై తపించే సమర్పణాభావం
నా హృదయం,
నా ఆత్మ నిన్నే జపిస్తూ
అవకాశం వస్తే
సర్వం త్యజించేందుకు
వొదులుకుందుకు సిద్దం గా
ఇప్పుడు,
నాకు నీ సాహచర్యం
అవసరం ఎంతో నీకు తెలుసా?

కోరికల ఆశల గమ్యాన్నీ 
జీవితం లో
ఆశించిన అన్నీ నీలో చూసాను.
ఓ పిల్లా!
ఇంతకుముందెన్నడూ ఇలా జరగలేదు.
అయినా,
నీతో చెప్పలేను.
అడుగుముందుకు వెయ్యలేను.
పరిణామం
నిద్దుర రాదు.
ఒంటరి రాత్రులే అన్నీ
భయం
కళ్ళను మూసేందుకు
మరో కలను,
నిన్ను కనేందుకు
నిజం పిల్లా!
అంతరంగం అంతా అలజడిమయం

నిన్ను నాలోనే దాచుకుంటాను.
పొదువుకుంటాను.
ఈ రాత్తిరంతా
నీ పక్కనే, నీ తోనే ఉంటాను.
ఓ పిల్లా!
ఈ ప్రపంచాన్ని నా ప్రపంచాన్ని అంతా
నీ ముందు పరిచేస్తున్నాను.
నీ ప్రేమ పారవశ్యం నాదే కావాలని
కానీ,
పిల్లా! నిజంగా నేను
నీతో మనసువిప్పి మాట్లాడుతున్నానా?
లేక,
మరో కల కంటున్నానా?
పిల్లా! ఈ హృదయమంతా నీవై ఉండి
నిండిపోయావని నీకు తెలుసా?