పరిపూర్ణ ప్రేమ!

పొందు కోసం వెదుకుతున్నా 
ప్రేమసంపదలా .... నా కోసమే అన్నట్లు
ఇన్నాళ్ళకు కనిపించావు. 
రూపవతిలా నీవు

నన్ను, నీవు .... నిన్ను, నేను 
బలోపేతం చేసుకునేందుకు 
మరోరకంగా బలహీనులమై ఒకరిపై ఒకరు ఆధారపడేందుకు 
ఒకరి అబిలాష కోసం ఒకరం 
ఆవిరై, ఆత్మల తృష్ణను తీర్చుకునేందుకు ....

నాకు 
నీ కోరికల ఆంతర్యం తెలుసు 
నీకు నా ఉద్దేశ్యం మనోభావాలు తెలుసు 
నాలో అగ్ని నీవు నీలో అగ్ని నేను 
అస్థిమితంగా ఆబగా ఇద్దరం
....

ఒకరి కళ్ళలోంచి ఒకరు గుండెల్లోకి చూసి 
మండే మోహాగ్ని గుండాల్ని .... 
అర్ధం చేసుకుని, ఉపశమనం కోసం
ఆత్మల్ని స్పృశించుకుందాం! 
మండే ఆ బడబాగ్నిని చల్లార్చుకుందాం తోడుగా నిలిచి!