అరగౌనులో వేశ్య

తిని విసిరేసిన విస్తరాకు
చిరిగిపోయిన బట్టలు ఆచ్చాదనం
ఆకలి రూపం అరలాగు అరగౌను
ఆబ ....
అసహ్యంగా చూసి తల పక్కకు తిప్పుకోవడం

మున్సిపాలిటీ చెత్త కంపు కొడుతుందని
చీదరించుకుని దూరంగా జరగే ప్రయత్నం ....
కేవలం దూరంగా .... జరగడం కోసం
రెండు రూపాయల దానం
చిరిగిన అరగౌనులో వేశ్యను మాత్రమే చూసే కళ్ళు

షుగరు బీపీ మాత్రల ఉపాహారం
పెన్షన్ డబ్బుల్తో శ్వాస ....
సహచరిని కోల్పోయి, పిల్లలు వొదిలేసిన
ముసలితనం .... చెల్లాచెదురైన ఒంటరితనం
సమాజం కోసం మాత్రమే పలుకరించే రక్తబంధాలు

బ్రతికి చేసేదేముంది అని .... ముసలి జంటను అనారోగ్యం
పన్నుల బారం .... పసితనం ముసలితనమయ్యే ప్రజాస్వామ్యం 
ప్రయాణంలోనూ భద్రతలేని మహిళలు
నిందలతో ఆరంభం ఉదయం
పిల్లల్లేని తండ్రి పిల్లలకోసం ఆస్తులు .... అవినీతి అక్రమాలు 

ఇంతకూ
మంచితనం
సౌహార్దం, సహృద్బావం
దయ, ప్రేమ, సహనం .... అర్ధం తెలుసుకుని
ఏం చేద్దామని

2013, జనవరి 25, ఉదయం 6.00 గంటలు