నిన్ననే
నేను నీనుంచి ....
కావాలనే దూరంగా జరిగాను.
విడిపోవాలనుకుంటున్నాను.
నీ గుండెను రెండుగా పగులగొట్టి .... మరీ,
నిజంగా
అనుకోలేదు.
నేను నిన్నింతగా గాయపరుస్తానని
నువ్వింతగా రోధించాల్సొస్తుందని
నన్ను దోషిని చేసి నీవలా జాలిగా చూస్తావని
నీవింక
ఎప్పటికీ
పరిపూర్ణురాలివి కాలేవు.
నీలో .... నీ హృదయంలో
ఒక భాగం ఇప్పుడు నీతో లేదు.
నీ భావనల్తో
నేను ఆడుకున్నంత స్వేచ్చగా,
మన మధ్య
గాలి చేరలేనంతగా ....
నన్ను నీవు ప్రేమిస్తున్నావని తెలుసు.
నీ కలల
గమ్యాన్ని నేనని,
మనం కలిసి
జీవితాల్ని, సంసారాన్ని .... ఈదాలని,
నీ కోరిక అని .... నాకూ .... లోకానికీ తెలుసు!
ఏ కారణం వల్లో
నేను దూరంగా వెళ్ళిపోతున్నానని .... తెలుసుకున్నావు. అయినా,
నీ భావనల్ని .... నేను తెలుసుకోవాలని,
నీ ప్రేమ నాదే అని .... నాతో చెప్పాలనే నీ ఆతృతను .... కోరికను,
అలక్ష్యం చేస్తున్నాను .... కావాలనే .... నీకు దూరంగా జరుగుతున్నాను.
No comments:
Post a Comment