ఒక మృదు సంతకం
ఒక చిహ్నం
హృదయాన్ని తట్టే లోతయిన ముద్ర ....
నిన్నే గుర్తుంచుకునేలా,
నీ గురించి మధుర భావనలు .... ఆలోచించేలా
నీ నవ్వు,
నీ తీపి వ్యక్తీకరణ,
మాధుర్యాన్ని తలచుకుంటుండేలా ....
నీవు నా జీవితాన్ని స్పర్శిస్తావేమో అని .... ఆశ!
ఒక వెచ్చని శాసనం ....
నీ వివేకం,
నా నడవడిక, ఆనందాన్ని .... నిర్దేశిస్తూ
నీ శ్రద్ధ .... నా జీవితంలో ప్రతిబింబించే,
స్పష్టమైన వివరణై ....
ఎప్పటికీ గుర్తుండిపోయేలా
ఆబగా, ఆతురతతో
ఎంతో కాలంగా ఎదురు చూస్తున్న
సమయం ఇదే అన్నంతగా
ఒక తీపి నిజానివై నీవు నన్ను తడిమేస్తావేమోఅని .... ఆశ!
ఒక ప్రేరణవై ....
జీవన దిక్చూచివై .... వెలుగువై
నీ ప్రేమకు బానిసను కాక తప్పని నమ్మకం
నీ చేతల్లో, నీ చూపుల్లో చూడటం
కల్పన కాని వాస్తవం
నా ఆశై,
నీ స్పర్శతో నీ జీవితం
నీ మనోభావనల్లో
నేనో ప్రత్యేక స్థానం .... పొంది
నీ సంతోషానికి కారణం నేను కావల్సిరావాలని ..,. ఆశ!
No comments:
Post a Comment