సుతిమెత్తని
సున్నిత హృదయం
పరిపూర్ణ ప్రేమ .... ఆమెది.
లయబద్దంగా కొట్టుకుంటూ .... గుండె
అద్భుతం లా మెరుస్తూ .... కళ్ళు
ఆమెలో చైతన్యం
ఆమెలో అగ్ని .... ప్రకాశవంతమై
తేనె వంటి తియ్యని ప్రేమ ఏదో
ఆమె లో .... నేను లా .... అన్నీ కుదించి ఉన్న
ఓ సౌందర్య దేవత కనిపిస్తుంది!
నా గుండె ను తాకిన భావం ఆమె,
నాకు ఆమె గురించి తెలిసింది చాలా తక్కువ .... ఐనా,
ఆమెతో సంభాషిస్తున్నంతసేపూ
తియ్యని పదాలు ముద్దగా వస్తుంటాయి
వివరించలేని ఏవో శృంగారపు ఆలోచనలు పల్లవిస్తుంటాయి.
ఆమె ప్రతి మాట, ప్రతి కదలిక
ఆమె నవ్వుతూ ....
ఆమె తోనే మాట్లాడుతూ, ముచ్చట్లాడుతూ
ఉండాలని, ఉండిపోవాలనిపిస్తూ ....
ఆమె నిండుతనం నాకు స్ఫూర్తినిస్తుంది.
చంద్రుడు విశ్రమించి సూర్యోదయం అన్నట్లు
కల నుండి మేల్కొనే సమయం లో
ఆమె కలలో నేను, ఆమె కోసం .... మేలుకొని
బెడ్ కాఫీతో ఆమె .... నా పక్కన ఉండి
తియ్యని ప్రత్యేక బహుమానం ఒకటి అందిస్తూ .... నేనని!
No comments:
Post a Comment