నీ జ్ఞాపకం 

ఒక ఎర్ర గులాబిలా తియ్యగా  

ఆ గులాబి ముల్లు చేదులా  

నా చేతిని మృదువుగా తాకే   

ప్రతి రెక్కపై ముత్యాల్లా మెరుస్తూ 

ఆ వర్షపు ముద్దులు 

నేను నిన్ను గుర్తుచేసుకుంటూ

తనివిగా నడుస్తూ, 

పదిలపరుచుకున్న నీ జ్ఞాపకాల  

తడి నేలను చూస్తూ

పొడిస్థలం కోసం వెతుకుతున్నాను  

 

నా జ్ఞాపకాల పుష్పాన్ని

ప్రపంచానికి చూపించేందుకు 

ఆ జ్ఞాపకం శాశ్వతంగా నిలవాలని 

నీతో వచ్చిన జీవం 

ఈ లోకానికి నీవిచ్చిన వెలుగు 

అన్ని దుఃఖాల నడుమ

కాంతిపులకరించు స్పర్శై ఉండాలని