ఊపిరిలు

ఈ సాయంత్రం రక్తపు మడుగులో మానవత్వం

రోడ్డుపై. నాలుగురోడ్ల కూడలిలో

తప్పు జరిగిందన్న సంకేతం

కానీ .... ఎవరూ ఎవ్వరికీ ఏం చెప్పలేరు

సూర్యుడు మబ్బుల మధ్య తక్కువగా కనిపిస్తూ

గాలి లో కలవరం

ఎవరో ఎవరికో ఏదో చెబుతున్నారు

మాటల్లో కాదు .... మౌనంగా

వారి పెదాలు విడిపోయినప్పటి నుండి

మౌనంగా భగవంతుడి ముందు తలవంచినట్టు

గాలిలో వ్యాపించిన విషవాయువులు

అంతలోనే .... ఆ పెద్ద పేలుడు. శరీరాలు దెబ్బతిని

గుండె లోపల రక్తం చినిగి

ఏమీ చేయలేని తెలియని నిశ్శబ్దం

ఈ సాయంత్రం .... రోడ్డుపై రక్తం పారుతూ

పక్కనే ప్లే గ్రౌండ్ లో కూర్చున్న పిల్లల చేతుల్లో భయం .

ఆ పిల్లల నవ్వు మొహాల్లో విషాదం

దయచేసి…

సూర్యుడిని తీసుకుపోకండి అని

మాకు కొంచెం కాంతి, శాంతి కావాలి అని

కానీ…

గుండెలు ఆగిన శబ్దం .... భయంకర శాంతం

ఆత్మల, ఆఖరి ఊపిరి నా గుండెల్ని తాకుతూ