పోరాటం జీవితం ... సాహిత్యం!

చంద్రశేఖర్ వేములపల్లి || పోరాటం జీవితం ... సాహిత్యం! ||

పుట్టడం ప్రాకృత్యం
సమాజంలో జీవించడానికి పోరాడటం అవసరం
ఇల్లు ఉన్నా, సంసారం ఉన్నా, సన్నిహితులున్నా
జీవితం అస్పష్టమే!
కాలంతో కలిసి కదలడంలో
అలసిన ఎందరొకో

ప్రపంచం బహు విస్తారం
చదువు, డబ్బు, గౌరవం ఉన్నా
క్లిష్టమైన ప్రశ్న జీవితం అనిపిస్తుంది
పోగొట్టుకున్నది తిరిగి పొందాలని,
జీవన రహస్యాల్ని చేదించాలని
ప్రతి ఒక్కరి ఆలోచనల సారాంశం ఉద్దేశ్యం

నాగరిక సమాజ నిర్మాణం,
జీవన సరళి, సామాజిక వేదికల పై
భావ ప్రకటనల తో ... పై పై సంతృప్తిని పొందుతున్నా
వాస్తవ సంతృప్తి పొందలేక, జీవితాలు లోతైన శున్యం
ఖాళీ దుఖ్ఖం నిజానుభూతై ...
స్పష్టంగా నెరవేరే అవసరాలు
సంతృప్తిచెందని ... తీరని ఎడారి దాహం మనిషిది

ఒకరూ లేక అందరూ
లోతుగా ఆలోచించాల్సిన జీవన ఆశయం సారాంశం
మతం బోధనల సారం కాంతిలో ... తత్వంలో
ప్రకృతి నడిపించే మార్గంలో,
సాహిత్య కళాకారులే
శాశ్వత ప్రశ్నలకు సమాధానం యివ్వాల్సింది.

సాహిత్యం పుస్తకం ద్వారా
మానవ అనుభవాల్ని
మార్గ ప్రతిపాదనల్ని చెయ్యడం అవసరం
మనిషిలో ఆలోచనల్ని పెంచడానికి
పూర్తిగా సంతృప్తికర సంస్కృతిని
అనుసరించేలా చెయ్యడానికి

2012, నవంబర్ 11, ఆదివారం సాయంత్రం 3.45 గంటలు